د ټولنې د بیا ودې او عامه پوهاوي مؤسسه یوه ناپیلیې او بې طرفه غیر انتفاعي مؤسسه ده چې د ښځینه وو لخوا د ښځو او ځوانانو لپاره جوړه شویده. د مؤسسې اداري هئیت چې د ټولنې په اړه څومره مطالعه او معلومات لري؛ دې نتیجې (پایلې) ته رسیدلي چې د ښځینه وو او ځوانانو د با عزته ژوند لپاره یواځنۍ لاره د هغوی د عامه پوهاوي لوړول او په ځان بساینې څخه عبارت ده. لیدلوری: د ټولنې عامه پوهاوی، د اجتماعي عدل تأمین او د اقتصادي توانمندي لوړول په ځانګړي توګه د مېرمنو او ځوانانو چې زموږ د ټولنې تر ټولو زیانمن شوی قشر دی. مسؤلیت / ماموریت څرنګه چې د ټولنې د بیا ودې او عامه پوهاوي مؤسسې له نامه څخه معلومېږي په ټولنه کې د مختلفو اجتماعي خدمتونو د وړاندې کولو، د کوچنیو او لویو تجارتونو د برابرولو، د حرفوي او هنري زده کړو(خیاطۍ، لاسي صنایعو، نقاشۍ او نورو)، د ظرفیت لوړونې د سیمینارونو او ورکشاپونو د دایرولو، همدارنګه په ټولنه کې د غذائي موادو د تامین په منظور د چرګانو، مالدارۍ، مچیو، مړزانو، ماهیانو... روزنې کوچنیو او لویو حیواني او زراعتی فارمونو ایجادولو پواسطه خپل مسؤلیت او ماموریت سرته ورسوي.
موږ کوښښ کوو تر څو خپلو هېوادوالو ته سمه لارښونه وکړو
